ШӨКЕТӨБЕ ҚАЛАШЫҒЫ

IX - XII ғғ

Жамбыл облысы, Байзақ ауданы, Диқан (бұр. Киров) ауылынан солтүстік-шығысқа қарай 4-5 шақырым жерде орналасқан.Қалашықты 1978 ж. Жамбыл облыстық тарихи-өлкетану мұражайының экспедициясы ашып зерттеді.Тік бұрышты биік алаң пішіндес болып келген оның өлшемдері 190 х 172 м. Төрт тарапқа бағытталған оны барлық жағынан биіктігі 2 м-ге жуық үйінді жалмен қоршалған. Алаңның солтүстік-батыс бұрышында биіктігі 3,2 м-ге дейін жететін шаршы тұрпатты ішкі қамалдың қирандысы орналасқан. Ішкі қамал алаңы барлық жағынан биіктігі 0,3 м-ге жуық мұнаралар қалдығы бар үйінді топырақ жалмен қоршалған.